Oraingo honetan marka guztiak hautsiko ditugulakoan, eta erreformismoaren tentazioa behin eta betirako kentzearren, PIO PIOkoak (Plusmarka Iraultzaileak Ontzeio Partidu Internazionalista Onomatopeikoak, hain zuzen) ez dugu sarrerarik hartu munizipalen zirkuan, eta Pello Marik esaten duen bezala, ez gara tren horretan sartuko egun azulenetan ere, putza, putza marikonea posibilista guztientzat. Eta gainera, trena hitza hemen erabiltzea askotxo da, hobeto konformatuko ginateke txalupa esan-eta, zeren hizkuntzan ere herrikoiak eta abertzaleak baikara gu, eta kanta zaharrak ez baitu esaten trenetxo bata trenetxo bi Santa Klararen gainean, ez jaunak, txalupatxo dio, eta ez da kasualitate bat. Trenak, gehienak, Madriletik bueltan etrortzen dira hona, beste nazione batetik, eta arrotzak dira euskal arimarentzat puaff puaff hau nazka pentsatzearekin bakarrik. Txalupak ordea gure nazione  kostadunekoak dira, geure geureak, eta kontuan izan nola itsasoak menturazale eta iraultzaile egiten dituen herrik, begira bestela mapari, han non iraultzarik egon den itsasoa ere egon da testigu, Cuba esate baterako, hor dago Cuba, hor dago Errusia, hor Erroma, hor Errevietnam. Errekotxina ze kotxina, etar hor dago Herrikoetxea. Eta ikus nola nahi gabe agiri honen gaira itzuli garen, internoa duzu, baina nola agiri klase hauk, eta diario sekretuen gisara, externoak baino jende gehiok irakurtzen dituen, bidea erraztea erabaki dugu, eta egun argitan irakurtzeko moduan atera nahi izan dugu

 Geure militante maitea, azken asanbladan enteratu ez ba zinen ere, demokratikoki erabakia izan zen hauteskunde hauetara  ez presentatzea. Eta ez bazatoz bat joera jonekin protesta jezazu mesedez, adieraz jeiguzu zure aburua, demonio artaburua, izkrita jezazu karta bat edo poema bat, jezkondu zaitez hala nahi ba duzu. Beste hitzetan esateko: jodiu zaitez. Baina ez ahaztu asko interesatzen zaigula zuk pentsa lezakezuna, komaidios, hau egia ezpada hemen bertan jil nadila

Zure ta gure partidu honek oraingoan ere arrazoia dauka. Ez dakigu ondo zer pasatzen den, baina kontua da gu ez beste guztik okerreko bidetik abiatu direla. Oraintxe bertan promesak egiten ari dira eta urrea agintzen botoa emanten dieten guztiei. Oker galanta, ezen, hau ez da California. Han denak guapoak dira, Holivus kilometro batzutara dago edonundik, neskak xoloberoak dira eta mutilak zakilibreak, eta gainera ez dute kolperik jotzen Baina hemen ez. Hemengo jendea, zein alde batekoak zein bestekoak, defraudatuak sentituko da berehala, ezin liteke izan bestela. Non itxi dabe gosebako holk bere erreboluziñoa, galdatuko die bizkaitar kontratista batek. Eta napar nekazariak berriz, apike ez duzuia lotsarik, apike ez duzuia maite Naparroako kuestionea aldarrikatuko die Eta dena horrela

Guk ezin dezakegu inor defraudatu, eta horretarako derrigorrezkoa da ez presentatzea, hori eskatzen digu iraultzaren lojika krudelak. Baina bestalde ezin ixil gaitezke, zeren gure izena ahazteko arriskuan eroriko bait litzateke, etorriko diren eszisio eta talde berrisio, hainbat eta hainbat errebisio, ez al da egia Iñasio, bada hori, gure izena nahastatu egingo litzatekela deitura berri guztiekin. Hitz eta letra konbinaketa guztiak ia agortuak daudenez gero, ezin genezake gurea indartzeko aukera hau alde batera laga. Lehen ere nahiko problema izan genuen San Pio Inpio harekin

Gauzak hola -gure lojika implakabile da, konturatuko zarenez- garbi dago zerbait prometitu behar dugula ez presentatzearen ordez. Abstenitzen ba zara hau eta bestea lortuko duzu, hori esan behar zaio herriari, hainbeste txalotzen eta maitatzen gaituen publiko honi. Baina nola esan, hemen zeok koska,. Bada, geure militante maitea, hemen ere erlijioneari begiratu beharko diogu, maisu hobeagorik ezin baikenezake inon arkitu. Eta hau esatean, erlijioaren planteamenduak inorenak baino sutilagoak izan direla esan nahi dugu

Adibide bat ipintzeko, kontura nola mila urtez sinestu izan den zazpi aingeru klase edo zirela, eta pentsatzen jarrita, ez al da gauza ia ezina, benetan zaila eta gaitza, kerubin bat trono batengatik bereiztea, edo arkangelu bat potestate batengatik, eta bereizkuntza hauei izena ematea, eta nortasuna, mundu oso bat jasotzea hari ia ikustezin horren gainean?... eta ez hori bakarrik, zeren asmatu ezezik munduaren erdiari sinestarazi egin baitiote gauza berbera. Eta zergatik, bada jendearen arima oso ondo ezagutzen dutelako, eta sutilitatez jokatzen dutelako. Militante iraultzaile batek, eta areago zu bezalako nonbeuren (nº 1) batek, ba du non ikasia

Esandako guztiarekin, nola egin promesak munizipaletan?... geure militante maitea, zuk ere pentsatu beharra daukazu, Komite Zentralak baino gutxiago noski, baina zerbait zure partetik jartzea ere komeni da. Halere hemen luzatzen duzkiguzu zenbait ohar orokor

Estraineko erregela promesa gallegoak (nolabait esateko) egitea da. Denok dakigu gallegoak galdera bati beste galdera batez erantzuten diotela. Bada, guk igual. Partiduak partidu bezala dituen ideiak ahaztu eta errepikatu egin behar dira herriak berak eskatzen dituenak. Zer eskatzen duen herriak, hura eskatu guk ere, hartara erremititu. Guk ba dakigu herria, herria zer esaten dena, ez dela esistitzen, baina nahikoa da edozein esaldi "herriak dioen bezala..." batekin hastea, eta kitto. Begoñitak (19 urte obszeno baina birjin) orrialde parrokialean, sututa, bene benetan sututa, sutu sutu sututa eskatzen duena kopiatu, eta Manueltxok (16 urte, enamoraua) kolejioko errebistan planteiatzen duen programa nahastatu, eta txapó, ba dakigu zer nahi duen herriak. Labean piska bat berotu, gratinatu Bakuninez, eta txoriso batzuekin serbitu

Bigarren taktika(taktika anarkista haren zentzuan, hori da, aurretik atakatzea: estrategia atzetik atakatzea litzateke) promesak ahalik eta zabalenak egitea izango litzateke, esate baterako "guk prometitzen dizuegun gizartea goizeko argia horizontean den bezalakoa da, eta zehatzago mintzatuz, guk eskaintzen ditugun aldaketak itxas brisarak udazkeneko arratsean euskal arrantzale jubilatu bati eragiten dizkionak bezalakoak izango dira". Eta horrekin konformatzen ez ba dira, oraindik esaldi luzeagoak egitea erremedio paregabea da, inork ez du ezer ulertuko, baina atrebitu ere ez da atrebituko farregarri ez gelditzearren

Ba dago hirugarren bide bat ere promesak egiterakoan, eta dualitatearena da, adibidez: zer nahiago duzue gehio, guk eskaintzen duguna (mutis egin hemen) edo ipurtzuloan erlekizten bat edukitzea?... zer nahiago duzue, gurekin lortuko duzuena (mutis egin hemen ere) edo naturalisten katarro eternoa?... jende guztiak nahiago izango du gurea, nahiz eta zer den ez jakin. Ezer inporta ez zaion gauza, bestalde

Arestian aipatutako hiru metodo konbinatuz ia ezinezkoa da behatzak harrapatzea. Beti garden, beti gailen, beti eder kooperatiba bat bezala. Horrela ibiliko gara. Pentsa Euskal Herria salbatzea dela gure xederik azkenena,eta bidean gauza guztiak zilegi direla

Eta -norbaitek galdetuko du, beti izaten dira marikoiak- ea noiz arraio presentatuko garen esaten ba digute, guk Gernikako haritza indartzen denean, Paris euskalduntzen denean eta euskal eskritore batek 100 orrialadetik gorako nobela bat idazten duenean joango garela erantzungo diegu. Azken kondizionea gogorregia da, behar bada, baina gauzak ez dira beti izaten guztion gustukoak. Abstentzioaren alde, beraz, iraultzaren plusmarkista!.. aupa guadari!

KARPANTA (a. Petiri Sanz)

ETIMOLOGIETAN

Astarloaren bidetik, edo han igurutik. Gaur: ARZAILLUS

A.- Agakako lehengo bokabloa. (Agaka, Arana eta Goiri'tar Sabinen inbenturik haundienetarikoa da. Hura, eta PNV, noski)

AR.- 1. Macho. Arra eta emea 2. Soldaduei ordenak emateko era. Agian "Arre"-tik dator 3. Gusano 4. Ar, harriaren oinarria dela ere esaten du bateronbatek. Auskalo

ARZ.- 1. Oso. Ez dakit batek zergatik 2. Arz-Obispo eta horrelakoetan ere sartzen da. Hemen ARZ-AILUS

ARZA.-1 Lehengoa baina zehatzago. Hau da: El osos, Madroñorik gabe, esaten dutenez. Baina, joera ere aditzera eman dezake 2. Andaluzez ALZA ordez ere erabiltzen da, hala nola "Arza la pata y mea" esaten denean 3. Leku harritsua ere ba omen da

ARZAI.- 1. Pastor de ovejas. Erronkarian: "La Osa Mayor" ere bai Nik ez dut egia denik esango. Ez dut, halare, ukatuko 2. Ar-zai: cuidador de gusanos o de machos. Ez da lider politikua delako esaten, baina..

ARZAIL.- Macho o gusano difícil. Agian, ar batek artxoarekin -arra dela erabiltzen den horrelakin- dituen arazoak gogorrak direla esateko

US.- Latinezko bukaera. Eta horrela:

ARZAILUS.- Arzaili, Arzailo, Arzaile, Arzailum. Plurala: Arzaili, Arzailorum, Arzailis, Arzailis, Arzaili, Arzailos

Amen

ZABALETA