Pott Bandakoek beren aldizkariaren laugarren alea argitaratu dute. Motibo honegatik hurbildu natzaie elkarizketa bat egiteko asmoarekin. Ez dakit bromatzat hartu nauten edota horrela bizi diren beti, deskalabroan. Kazetariek sufritu behar duguna... Ni galdezka desesperatuki eta ez dakit heurek literaturaz ala ze demontrez...
-Ze harrera izan duzue?
-Euskal Herrian inork ez digu deus atera, baian gure probintziatik kanpora Londreseko “Writers of the World” kazeta miresgarrian bi orrialdeko erreportaia bat egin digute. Kontaktoak ditugu, halaber, Berkeley-ko talde askorekin. Axpe eta Urrestilan ere arras ezagunak gara.
-Zenbat ale argitaratu dituzue?
-Hau zazpigarrena edo da, gutxi gora-behera. Baina ez gara orain kontatzen hasiko. Gainera guk gainditu ditugu numeroak edo, orain esaten den bezala, zenbakiak.
-Ze izen du ale honek...
-Betidanik deitu izan gara POTT BANDAREN BRAGA. Orain arte “blaga” esan ohi genuen sinologoen influentziagatik, ze txinoek esate baterako “zakarra” esan beharrean “zakala” esaten dute eta horregatik batzuk, inkultoenek, “zakila” esaten dute... Baina, bueno, hau superatu dugu ia. Gainera, Jakobson lagun dugu gure biraje latz honetan.
-Nolakoa da zuen braga hau?
-Arrastorik uzten ez dutenetarikoa, kontuan izan gu oso perskutatuak garela eta ezin dezakegula pistarik utzi. Gainera, gauza guztiok gainditurik ditugu. Gurea, egia esan, ez da “braga” bat, ez “fraga” bat. Gurea “Praga” da, ze han jaio zen idazle famatu bat euskal populuak hain maite duena eta munduko literatura abangoardiazkoa haineste kutsatzen ari dena: Norbet Tauer, noski.
-Ze artikulo, ze mami du zuen aldizkariak?
-Bizakaialdean mamiari gatzatua deitzen zaio, gatzatu ospetsuenetakoa “Doncel” delakoa da, eta “Doncel”-etik dator “dontzeila” hitza, dontzeiletatik datorkigu makina bat sofrimentu, dontzeila guztiak lotiak baitira, eta loti guztien artean ezagunenetakoa Pierre Loti, noski, konprenitzen al duzu, ala ze letxe!
-Bueno, bueno, ez hasarratu.

(Aber ba labanak ateratzen ditugun. Gugana hurbiltzen den espia bakoitza Derioko kanposantuan enterratzen dugu bizirik, zibiletik... Aber ba!)

-Baina ni ez naiz espia bat, ni Euskadi Siouxekoa naiz. Ez naiz etorri zuen sekretoetaz enteratzeko. Euskadi Siouxerako irakurgai bat prestatzekok etorri naiz bakarrik.
Ah, bueno, orduan ondo, Euzcadi Zius ez baitu inork irakurtzen. Ondo, ondo, jarraitu galderak egiten, eta erantzun bakoitzetiko eskozes bat bakarrik kobratuko dizugu.
-Eta zuen taldean zer egiten duzue?
-Normalean deus ere ez. Beste batzutan deus ere ez. Badira une batzuk, halaber, deus ere egiten ez duguna. Baina, maiz, deus ere ez dugu egiten.

Hala ere, taldeko bat batere abisatu gabe Murziara joan zen soldaduskara, pskiatrak libratzeko sobera karga zuela eta Oinatin peligrosoa zatekeela esan baitzion. Ez digu agurrik ez tomaterik bidali ingrato honek...
-Eta taldeko besteek?
-Bat semealabak egiten ari da jo ta ke.. Besteari Motrikotik Ondarrua arteko bibote bat ari zaio hazten. Hirugarren bat Baretta da, aski famosoa egin da telebistaren bidez. Beste bat hagineko minez bizi da, hau lastimie. Seigarrena maiteminduta, nun denik ere ez...
-Ze proiekto duzue aurrerantzean?
-Horoskopo batek esaten zigunez schock bat sortuko dugu Euskadin aldizkariaren 28. Alean. Baina bizpairu ale baino ez ditugu aterako. Gero telefono listinaren edizio kritiko bat prestatuko dugu JAKIN editorialean argitaratzeko.
-Marrazkilari on batzu dituzue ez da?
-Bai, bai, bai, bai, bai, bai. Zazpi bat dira lagundu diguten anartista eta marrazkilari ganorabakoak. Eta phottografo bat ere badugu, arraultzak ere jan orduko phottografiatzen dituena.
-Emakumerik ba al da zuen artean?
-Bueno, gutarik batzuk ez dakigu oraindik zer garen, definitugeak gara alegia. Beste alderdikoa da edozelan ere segur Mary Thurner. Honekin larrujotzen dugu guztiok ostegunero. Gaizki ala?
-Hor zuen kontua da.
-Eta C.G.V.-rena, ala ez al zara autonomista?
-Bale, bale... Nik apatridak zinetela uste nuen.
-Ba ez, kazetari jauna! Gu afrikanoak gara, Kongro deritzan aberri miresgarrikoak.
-Zer? Nungoak zaretela?
-Gu Kongrokoak gara, kongrioak alegia eta, haurrei deituez gero, kongritoak. Gu arikanoak, huah, ahuh, guk Tarzan jan, gosea genuen gozoa zegoen, huah, hauh. Kongro Euskadi da!
-Noski.
-Noski, bestela guk kazetaria jan.
-Baina orain seriotan. Gustatzen zaizue literatura?
-Bai, denetarik jaten dugu.
-Baina desberdina da Faulkner edo Asimov.
-Ba nik gosaldu Axular gosaltzen dut, hamarretakoan Agirre Asteasukoa, bazklatzeko Mogel eta Txomin Agirre eta Orixe, baina siestara joan orduko goragalea datorki eta bota egiten dut guztia, janaria aldatzen dudanean ere. Arratsaldean Txillardegi meriendan, bota berehala,gero afarian Gereño eta enparauak eta kriston goragalea eta zakila ere ahotik dariogula.
-Lastima!
-Gose greban bagina bezala. Eta eskerrak Pott ez dugula irakurtzen bestelan ba zelako deskalabro gastrikoa!!!
-Zer gustatzen zaizue gehiago, poesia ala prosa?
-Guk, dudarik gabe, oeta bat miresten dugu. Bere izena aipatu eta bide batez publikoki salatzen dugu bere aurka egin den kanpaina: poeta hau Idi Amin da-da.
Prosistak ere miresten ditugu, batez ere baldin eta deus ez badute eguno idatzi.
Baina, honelako galderak erantzuteko badugu enplegatu bat, Juanmari Torrealday alegia. Beragan delegatzen dugu gure eritzia, zientifiko oso handia da, frailea, eta igual ez diozu ulertuko, baina sinestu eta bale.
-Irakurri al duzue Bukovsky?
-Ah, bai! Errusoa. Idazle honen hainbat nobela irakurri ditugu: “Karamazov nebarreak”, “Jokalaria”, “Krimen eta Zigorra” eta abar.
-Obra hoik ez al zituen Dostoievskyk idatzi?
-Ez Dostoievskyk garai hortan Euskal Herria bisitatu zuen eta euskara ikasten ari zelarik errusoa ahaztu zitzaion eta euskara ikasi ez, eta ez zen Historiara sartu. Apatamonasteriokoek bakarrik beneratzen dute.
-Zuen aldizkarian irakurri dut, nor da T. S. Elliot?
-Ezizen batez estali behar izan dugu. Baina nabaritzen da nor den, nor izango da ba... Mr. Hoper. Ez al duzu telebista ikusten?
-Ze alternatiba politliko apoiatzen duzue?
-Maiz esan dugu, bada, Pol Pot apoiatzen dugula Camboya gure herria inbaditu diguten inperialisten aurka. Pol Pot errege eta Resurrección María de Azkue erreginaren alde isuriko dugu gure odola eta gure bizitza bidesaihetsetan, aupa gizona, jeiki mutil...
-Ba al duzue D titulorik?
-Bai zera! V tituloa ere ez oraindik. Oso zaila egiten zaigu, beste tribu batetakoak garenontzat, boskimanoa ikastea.
-Egia da Herman Melville ere Pott taldekoa dela?
-Ez Melville bera, Billy Bud laguntzen baitago hau urkatua den kaian. Baina gurekin dugu Moby Dick, tipo oso majo eta sinpatikoa da, (ez dugu uste Akab kapitainak hasaratzeko motiborik izan behar lukeenik), oso amablea da, problema bakarra da bere gurekin den artena estu estu kabitzen garela eta ura botatzen digula kokotetik.
-Baina, bueno, zer zarete, talde literario bat ala zoologiko bat?
-Superatuak ditugu guk Darwin eta Kristo guztiak. A nuestro aire gabiltzanean ez etorri bestelan. Gu serio serio primera komunionean bakarrik egon ginen eta orduan ere paliza merio, beselan lasai ze total igual da guztia.
-Bukatzera goaz eta saludatu nahi duzue norbait hemendik?
-Noski. Hauxe da gure ilusiorik prinzipalena. Ole Erruper, agur Konsuelo ene nobia aspaldikoa, ole Eba Goienkalekoa, eta Iziar eta Ima, agur Maria Anjeles, agur Julio, eta Agosto, agur Pottolito, agur lagunak ene azken mozkorraldikoak. Gogoratu nahi ditugu, baita ere, hemen Espartako eta Katalina de Brabante, ole baita ere Ageda martiri defuntari, agur Jesusen ama, agur eta ohore Euskal Herriari. Hemendixik gogoratu nahi dut Ibaizabala Durangotik pasatzen dela eta hau fandango biba berango. Agur gure herrietako lagun eta senitarteko guztiei: agur Elantxobe, Romo, somera, Motriko, Leitza, Apatamonaserio eta Murziako herrikideei. Pott bat, pott bi, hiru, lau, bost emanen dizkizuegu xanponen truk. Ole eta ole, Patxi tartazale.